22 мая 2015 года, по благословению Святейшего Патриарха Московского и всея Руси Кирилла, в день памяти святителя Николая, архиепископа Мирликийского, во всех храмах освященных в его честь, следует вознести особые прошения на сугубой ектении за литургией и молитвы об участниках дорожного движения.
МОЛИТВА СВЯТИТЕЛЮ НИКОЛАЮ, АРХИЕПИСКОПУ МИРЛИКИЙСКОМУ
О всехвальный и предивный угодниче Божий святителю отче Николае, скорый помощник, теплый заступник, пастырю предобрый, спасаяй словесное стадо от всяких бед! Тебе прославляем и тебе величаем, яко надежду всех христиан, источника чудес, по морю плавающих управителя и по суше путешествующих хранителя.
Услыши ныне молящихся тебе. Яви предстательство твое о всех по дорогам шествующих и всех нас ко Всевышнему. Избави нас, угодниче Божий, от всякаго зла да мирное поживем житие и сподобимся видети благая на земли живых, славяще Отца и Сына и Святаго Духа, ныне и присно и во веки веков. Аминь.
ПРОШЕНИЯ НА СУГУБОЙ ЕКТЕНИИ БОЖЕСТВЕННОЙ ЛИТУРГИИ В ДЕНЬ ПРАЗДНОВАНИЯ СВЯТИТЕЛЯ НИКОЛАЯ
Еще молимся Тебе, Господу Богу нашему, о еже призрети на пострадавших от случаев несчастных на дорогах и, видев скорбь и страдания их, милостиву быти к ним и помиловати их.
Еще молимся о еже не оставити чад Своих, по дорогам шествующих, но свыше Свою помощь, заступление и отраду им подати, от всякаго злаго обстояния силою благости Своея избавляя и невредимы сохраняя, рцем вси, Господи, услыши и помилуй.
